Қазақстан - 150-ден астам ұлт пен ұлыстар тату-тәтті тұрып жатқан көп ұлтты ел. Осы халықтардың ынтымақтастығы үшін ел үкіметі түрлі іс-шаралар өткізеді, соның бірі - 1 мамыр Қазақстан халқының бірлігі күнін мерекелеу болып табылады.

2023 жылдың 28 сәуірінде Қарабалық кентіндегі өңірлік тарихты ғылыми-зерттеумен қамтамасыз ету бөлімінің қызметкерлері, Қазақстан халқының бірлігі күніне арналған дөңгелек үстел «Бір шаңырақ астында» атты дөңгелек үстел өткізілді. Дөңгелек үстел жұмысына «Қарабалық ауданы әкімдігінің тілдерді оқыту орталығы» КММ қатысты.

Еліміздің басты қорғаушы күші – қоғамдық келісім мен этносаралық үйлесімді – сақтау Қазақ елінің алдында тұрған басты міндет. Қоғамдық келісім мен саяси тұрақтылық – біздің ең маңызды байлығымыз! Бұл жетістікті бағалау, оны сақтау жолында аянбай еңбек ету әрбір Қазақстан азаматының міндеті болып табылады.